ஞான வைரவர் விளையாட்டுக் கழகம் நடாத்திய இளையோருக்கான மென்பந்து துடுப்பாட்டச் சுற்றுப் போட்டியில் தெல்லிப்பளை கலையொளி சம்பியனானது. கழக மைதானத்தில் நடைபெற்ற இறுதிப்போட்டியில் அளவெட்டி பாரதிதாசன் விளையாட்டுக்கழகமும் தெல்லிப்பளை கலையொளி விளையாட்டுக்கழகமும் மோதியது. முதலில் துடுப்பெடுத்தாடிய கலையொளி அணி 6 ஓவர்கள் முடிவில் 5 இலக்குகளை இழந்து 43 ஓட்டங்களை பெற்றது. தொடர்ந்து இலக்கை துரத்திய பாரதி கழக அணி 6 ஓவர்களில் 5 இலக்குகளை இழந்து 21 ஓட்டங்களை மட்டுமே பெற்று, 22 ஓட்டங்களால் தோல்வியடைந்தது. ஆட்டநாயகனாக கலையொளி அணி சார்பாக துடுப்பாட்டத்தில் 11 ஓட்டங்களையும் பந்துவீச்சில் 3 இலக்குகளையும் கைப்பற்றிய தயுஸ்ரன் தெரிவானார்.
